خطايى ، على اكبر
407
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
ايكندى زمانى اولدقده پادشاه سازندهلر و اويونجيلره انعام ايدوب بعده قالقوب حرمنه كيتدى . و ايلچيلره اجازت اولدى . ذكر اولنان ميدانده دو كيلن طعام ريزهلرينى و ميوهلرى بىحد و پايان زاغ و زغن و قمرى و كوكر جن كى اول ميداندهكى اشجارده اشيانه طوتان قوشلار ييوب انساندن توحش ايتمزلر . و اول قوشلردن بريسنى اينجتمزلر ايدى . ذكر اولنان ضيافتك ايرتسى كونى كه عيد اضحى ايدى . شهر مزبورده پادشاهك مسلمانلر ايچون بنا ايلديكى مسجده و اريلوب اول شهرده بولنان مسلمانلر ايله نماز عيد قيلندى . ايكى كون صكره ايلچيلره ضيافت ايليوب اول ضيافتده و آندن صكره واقع اولان ضيافتلرينك هر بريسنده پادشاه بر كونه دخى اظهار عظمت و بازيكرلر كوستردكلرى لعبلره مغاير اويونلر پيدا ايدرلردى . ذى الحجهنك اون يدنجى كونى مجرملرى سياستكاهه كتورديلر . قاعدهء ختاى اوزرينه هر كناهك مقابله سنده نه كونه عقوبت و نوجهله قتل اولنمق دفترلرنده مقيد و مضبوط اولوب جرملرينه كوره بعضيسنك باشنى كسوب بعضيسنى بردار و بعضيسنى پارهپاره ايدرلر . و بر جلاد ايكى آدمى اولديرميوب فرضا يوز آدمك قتلى اقتضا ايلسه هر برينى بر جلاد قتل ايدر . اما قتل خصوصنده غايتله احتياط ايدرلر . شويله كه پادشاهك